ایس ڈی او ناظم احمد نے بتایا کہ وہ کار سے اپنے گھر جا رہے تھے، جیسے ہی وہ سکندر پور بجلی گھر کے پاس پہنچے تبھی کچھ لوگوں نے ان کی کار کو تعاقب کرکے رکوایا اور گاڑی سے اترے چار لوگوں نے لاٹھی ڈنڈو سے ان پر حملہ کر دیا۔
جس میں ایس ڈی او اور ملازمین شدید طور پر زخمی ہو گئے
جس کے بعد انہیں علاج کےلئے ہسپتال بھیج دیا گیا۔
زخمی ایس ڈی او نے تھانے میں تحریر دے کر سماجوادی پارٹی کے رکن اسمبلی پر ایف آئی آر درج کرایا ہے جس میں ایس ڈی او نے بتایا کہ بجلی چوری کرتے پکڑے گئے لوگوں کو چھوڑنے کہ لئے کائرانہ رکن اسمبلی دباؤ بنا رہے تھے ایسا نہیں کرنے پر رکن اسمبلی نے گنڈے بھیج کر اس حملے کو انجام دیا ہے۔
اس حملے کی جانکاری ٹویٹر کے ذریعہ اتر پردیش کے وزیراعلیٰ یوگی آدتیہ ناتھ اور بجلی وزیر کو بھی دے دی گئی ہے جس کے بعد پولیس معاملے کی تحقیقات کر رہی ہے۔
