ریاست اتر پردیش کے ہاپور میں اے ٹی ایس نے ایک جوان کو گرفتار کیا ہے۔ جوان پر الزام ہے کہ وہ پاکستان کے لئے جاسوسی کرتا تھا۔
بتایا جارہا ہے کہ ملزم جوان سورو شرما 6 ماہ قبل ہی رضاکارانہ ریٹائرمنٹ لے چکا ہے۔
وہیں اطلاعات کے مطابق تفتیشی ایجنسی نے جوان کے پاس سے پاکستان کے لئے جاسوسی سے متعلق کچھ دستاویزات بھی برآمد کئے ہیں۔
فی الحال اے ٹی ایس کی ٹیم گرفتار آرمی جوان سے پوچھ گچھ کر رہی ہے۔
دراصل اتر پردیش کی اے ٹی ایس ٹیم ملک مخالف سرگرمیوں میں مصروف لوگوں کی شناخت کر کارروائی کرنے میں مصروف ہے۔
یہ بھی پڑھیں: حکومت اور کسانوں کے مابین آٹھویں دور کی میٹنگ جاری
اس دوران یو پی اے ٹی ایس کے میرٹھ یونٹ نے ضلع ہاپور کے بہادر گڑھ علاقے کے بہونی گاؤں سے سورو شرما نامی فوجی کو گرفتار کیا۔
فی الحال اے ٹی ایس کی ٹیم ملزم جوان سے پوچھ گچھ کر رہی ہے اور اسے لکھنؤ لایا جارہا ہے۔
