رکن اسمبلی محمد فہیم عرفان کا سادھوی پراچی پر تنقید

ہندو واہنی کے رہنما سادھوی پراچی نے لو جہاد سے متعلق بیان دیتے ہوئے کہا کہ اس پر قانون بنانے کی ضرورت ہے جس کے بعد سماجوادی پارٹی کے رہنما محمد فہیم عرفان نے کہا کہ سادھوی پراچی ملک کا ماحول خراب کرنا چاہتی ہیں ۔

ریاست اتر پردیش کے مرادآباد میں گزشتہ دنوں ہندو واہنی کے رہنما سادھوی پراچی پہنچی تھیں جہاں انہوں نے میڈیا سے لو جہاد پر گفتگو کرتے ہوئے مسلمانوں کو اپنے تنقید کا نشانہ بنایا۔

اس تعلق سے مرادآباد بلاری ودھان سبھا حلقہ کے سماج وادی پارٹی کے رکن اسمبلی محمد فہیم عرفان نے ای ٹی وی بھارت اردو سے بات چیت کرتے ہوئے کہا کہ ہندو واہنی کے رہنما سادھوی پراچی ہیں کون، اگر وہ لو جہاد پر کوئی قانون بنانا چاہتی ہے تو ان کو پہلے رکن پارلیمان یا رکن اسمبلی کا الیکشن لڑنا ہوگا۔

انہوں نے کہا کہ قانون پارلیمنٹ یا اسمبلی سبھا میں بنتے ہیں۔ اگر قانون بنانے کا شوق ہے تو عوام کے درمیان سے جیت کر آئیں اس طرح کی بیان بازی کرنا فضول ہے۔

محمد فہیم عرفان نے کہا کہ سادھوی پراچی اس طرح کے بیان دیکر ملک کا ماحول خراب کرنا چاہتی ہیں۔