مرادآباد: عیدالاضحی کے موقع پر لاک ڈاؤن ہٹانے کی اپیل

اس برس عیدالاضحی یکم اگست کو ملک بھر میں منائی جائے گی اور اس دن سنیچر کا دن ہے۔ اس دن ریاست اترپردیش میں ہفتہ واری لاک ڈاؤن ہوتا ہے۔ اس لیے مرادآباد سے سماج وادی پارٹی کے رکن اسمبلی حاجی اکرام قریشی نے لاک ڈاؤن کو ہٹانے کی اپیل کی ہے۔

ریاست اترپردیش کے ضلع مرادآباد سے سماج وادی پارٹی کے رکن اسمبلی حاجی اکرام قریشی نے میڈیا سے بات کرتے ہوئے کہا کہ عیدالاضحی کے موقع پر لاک ڈاؤن ہٹائی جائے۔

اس بار عیدالاضحی یکم اگست کو ہے اور اس دن ریاست اترپردیش میں لاک ڈاؤن ہوتا ہے۔ لہذا ہم حکومت سے مانگ کرتے ہیں کہ عیدالاضحیٰ کے موقع پر لاک ڈاؤن ہٹایا جائے۔

مرادآباد سے سماج وادی پارٹی کے رکن اسمبلی حاجی اکرام قریشی

انہوں نے مزید کہا کہ مساجد اور عیدگاہوں میں نماز پڑھنے کی اجازت دی جائے، اگر نماز سماجی دوری کے ساتھ ادا کرنے کا حکم ضلع انتظامیہ ہمیں دیتی ہے تو ہمیں منظور ہے۔

ابھی حال ہی میں ضلع سمبھل سے سماج وادی پارٹی کے رکن پارلیمان شفیق الرحمٰن برق نے سبھی مساجد اور عیدگاہوں میں مسلمانوں کو نماز پڑھنے کی بات کہی تھی۔

حاجی اکرام قریشی نے آج میڈیا سے بات کرتے ہوئے کہا کہ میں ان کی بات کی تائید کرتا ہوں۔