ریاست اترپردیش کے شہر میرٹھ میں بابری مسجد رام جنم بھومی معاملے کے پیش نظر سپریم کورٹ کے فیصلے کے بعد اب بابری انہدام معاملے میں سی بی آئی کورٹ کے فیصلہ کو ہندوؤں کے حق میں آگیا ہے۔
بابری اور رام جنم بھومی کے اس فیصلے بے بعد اب ہندو مہا سبھا نے متھرا اور کاشی کے لیے تحریک شروع کرنے کا اعلان کیا ہے۔
بابری مسجد رام جنم بھومی کیس کا فیصلہ ہندو کے حق میں آنے کے بعد اور مسجد انہدام معاملے میں بھی ملزمان كو بری کردیا گیا۔
جس کے بعد اب ہندو تنظیم 'اكهل بھارتیہ ہندو مہاسبھا' کے ذمہ داران کی جانب سے متھرا اور کاشی کے معاملے میں بھی پیش رفت کرنے کی بات کہی جارہی ہے۔
اس کے لیے باقاعدہ ہندو مہاسبھا کے اراکین تحریک چلانے کی بھی بات کررہے ہیں ۔
اكهل بھارتیہ ہندو مہا سبھا کی جانب سے متھرا اور کاشی معاملے میں تحریک چلانے کی بات کرنے سے ایک بات تو صاف ہے کہ ملک میں مذہبی رہنماؤں کی جانب سے چلای جانے والی تحریک سے ایک بار پھر ہندو اور مسلم کے مابین کھائی پیدا ہوگئی ہے۔
