علیگڑھ مسلم یونیورسٹی الومنئی ایسوسی ایشن گریٹر شکاگو (امیکہ) نے علیگڑھ مسلم یونیورسٹی (اے ایم یو) کے جواہر لال نہرو میڈیکل کالج و ویمنس کالج اور بایو کیمسٹری شعبہ کے لیے خطیر رقومات عطیہ کی ہیں۔
2020 میں کووڈ 19 کی پہلی لہر کے موقع پر ایسوسی ایشن نے ویمنس کالج کی ضرورت مند طالبات کے لیے انٹرنیٹ ڈاٹا، الیکٹرانک آلات، لیپ ٹاپ، کمپیوٹر وغیرہ کی خرید کی خاطر ساٹھ لاکھ روپے کی رقم عطیہ کی، جبکہ اے ایم یو بایو کیمسٹری شعبہ (فیکلٹی آف لائف سائنسز) کے لیے 18.9 لاکھ روپے دیے۔
اسی طرح سن 2021ء میں علیگڑھ مسلم یونیورسٹی الومنئی ایسوسی ایشن گریٹر شکاگو (امیکہ) نے اے ایم یو کے جواہر لال نہرو میڈیکل کالج و ہسپتال کے لیے 21 لاکھ، 40 ہزار، 659 روپے عطیہ کے طور پر دیے ہیں۔
اے ایم یو کے وائس چانسلر پروفیسر طارق منصور نے ان عطیات کے لیے اے ایم یو الومنئی ایسوسی ایشن گریٹر شکاگو (امیکہ) کا شکر ادا کرتے ہوئے کہا "ان رقوم سے میڈیکل کالج میں بنیادی ڈھانچہ کو بہتر بنانے اور مریضوں کو معیاری سہولیات بہم پہنچانے میں مدد ملے گی۔
مزید پڑھیں:
اے ایم یو کے فارغ التحصیل پروفیسرایم افسرعالم جامعہ ہمدرد کے وائس چانسلرمقرر
قابل ذکر ہے کہ الومنئی ایسوسی ایشن-گریٹر شکاگو نے ماضی میں ویمنس کالج لائبریری کی تزئین و مرمت اور اسمارٹ کلاس روم کی تعمیر کے لیے بھی رقم عطیہ کی تھی۔