ریاست اتراکھنڈ کے ہلدوانی ریلوے اراضی پر انہدامی کارروائی پر سپریم کورٹ نے ہائی کورٹ کے حکم پر روک لگا دی جس کا علیگڑھ مسلم یونیورسٹی (اے ایم یو) طلباء نے خیر مقدم کیا، فی الحال تقریبا 4 ہزار مکانات پر بلڈوزر نہیں چلیں گے۔ AMU students welcomed the Supreme Court directive
سپریم کورٹ نے اتراکھنڈ ہائی کورٹ کے ہلدوانی بنبھول پورہ علاقے میں ریلوے اراضی پر انہدامی کارروائی والے فیصلے کو چیلنج کرنے والی درخواستوں پر اتراکھنڈ حکومت اور انڈین ریلوے کو نوٹس جاری کیا جس میں ریاستی حکام کو ہلدوانی کے بنبھول پورہ علاقے میں ریلوے کی زمین سے تجاوزات ہٹانے کا حکم دیا گیا تھا۔ جس کے بعد مذکورہ اراضی پر سماعت کرتے ہوئے روک لگادی ۔اور کہا کہ راتوں رات 50 ہزار لوگوں کو بے گھر نہیں کیا جاسکتا جس پر علیگڑھ مسلم یونیورسٹی (اے ایم یو) طلباء کو سپریم کورٹ کی روک (اسٹیں) کا خیر مقدم کرتے ہوئے کہا ہمیں ملک کے آئین اور کورٹ پر پورا بھروسہ ہے وہ جلد ہی ہلدوانی کے لوگوں کے حق میں فیصلہ کریں گی۔
واضح رہے دو روز قبل اے ایم یو طلباء نے کیمپس میں ہلدوانی انہدامی کارروائی کے خلاف احتجاج مارچ نکالا تھا اور حکومت سے فوری طور پر اس کروائی پر روک کا مطالبہ بھی کیا تھا۔
اس اہم معاملہ پر معروف تعلیمی ادارہ طلباء نے کہا ہم ہمیشہ ہر مظلوم کے ساتھ رہے ہیں اور اے ایم یو کی سر زمین سے ہمیشہ ہی ہر غلط اور ناانصافی کے خلاف آواز بلند کی جاتی ہے اس لئے ہ منے دو روز قبل ہلدوانی انہدامی کارروائی کے خلاف احتجاجی مارچ نکالا تھا ا،س کا مطلب ہم ہلدوانی کے مظلوموں کے ساتھ تھے اور آگے بھی ہم ان کے ساتھ رہیں گے اور ہمیں امید ہے کہ جلد ہی کورٹ ہلدوانی کے مظلوموں کے حق میں فیصلہ سنائے گی۔
مزید پڑھیں:Haldwani Scheduled Demolition ہلدوانی میں ہزاروں لوگوں کو بے گھر کرنے کی تیاری، متاثرین سپریم کورٹ سے رجوع
