علی گڑھ مسلم یونیورسٹی کے ڈاکٹرس، ملازمین (تدریسی اور غیر تدریسی) سابق طلباء اور پنشنرز نے شمال مشرقی دہلی میں پیش آنے والے فرقہ وارانہ تشدد کے متاثرین کی امداد اور راحت رسانی کے لیے رقم اکھٹا کر رہے ہیں جس کے لیے وائس چانسلر نے سات رکنی کمیٹی تشکیل دی ہے۔
بتایا جاتا ہے یہ رقم تقریبا ایک کروڑ سے بھی زیادہ ہوگی، اے ایم یو شعبہ رابطہ عامہ کے اسسٹنٹ پی آر او ذیشان احمد نے بتایا کہ اے ایم یو کے وائس چانسلر پروفیسر طارق منصور نے یونیورسٹی کے ملازمین، پینشنرس اور آبنائے قدیم وغیرہ سے موصول ہونے والی رقومات سے شمالی مشرقی دہلی میں پیش آنے والے فرقہ وارانہ تشدد کے متاثرین کی امداد شاد و راحت رسانی کے طور طریقے طے کرنے کے لیے یونیورسٹی رجسٹرار کی کنوینر شپ میں سات رکنی کمیٹی کی تشکیل کی۔
سات رکنی کمیٹی میں رجسٹرار عبدالحمید آئی پی ایس (کنوینر)، پروفیسر نجم الاسلام (شعبہ بائیو کیمسٹری جے این این سی سیکریٹری، اے ایم یو ٹیچرز ایسوسی ایشن)، پروفیسر آفتاب عالم (شعبہ سیاسیات)، پروفیسر نجم الخلیق (شعبہ کمیونٹی میڈیسن)، پروفیسر راکیش بھارگو (شعبہ تپ دق و امراض سینہ)، ڈاکٹر شارق عقیل (سی ایم او انچارج، ڈاکٹر یونیورسٹی ہیلتھ سروس) اور ڈاکٹر حمزہ ملک (صدر، ریزیڈینٹ ڈاکٹرز ایسوسی ایشن) شامل ہیں۔
