اے ایم یو شعبہ کامرس کے اسسٹنٹ پروفیسر ڈاکٹر محمد نیر رحمٰن نے خصوصی گفتگو میں بتایا کہ اقوام متحدہ کے ایشیا اور بحرا لکاہل خطے کے اقتصادی اور سماجی کمیشن جو جتنے بھی ایشیا اور بحرا لکاہل کے ممالک ہیں ان کی اقتصادی اور سماجی پالیسیوں پر کام کرتا ہے۔ اس کا ایک ٹریننگ پروگرام ہے جس کا عنوان "قدرتی آفات یا وبا کے دور میں تجارت کے لئے علاقائی معاہدے پر تبادلہ خیال" پر ہے۔ جس کے لئے انہوں نے بحرا لکاہل ممالک سے چند لوگوں کو منتخب کیا ہے جن کو خاص ورچول ٹریننگ دی جائیگی جو 6 اگست کو اختتام پذیر ہوگی۔
انہوں نے بتایا کہ اس ٹریننگ کا مقصد جو ایکسپرٹس اس میدان میں پہلے سے کام کررہے ہیں، تو مستقبل میں کس طرح کی خاص پالیسی ہونی چاہئے جس سے وبا اور قدرتی آفات کے بعد کی پریشانیوں کے لئے فائدہ مند ثابت ہو۔ ڈاکٹر نیر رحمان نے مزید بتایا میں بہت خوش نصیب ہوں جس کے لئے میں اللہ تعالیٰ کا شکر ادا کرتا ہوں، جہاں تک میرے علم میں ہے ہندوستان سے صرف تین لوگوں کو اس خاص ٹریننگ کے لیے منتخب کیا گیا ہے جس میں ایک میں بھی شامل ہوں۔
یہ بھی پڑھیں: اے ایم یو پروفیسر ایم جے وارثی کی تحقیق نصاب میں شامل
اے ایم یو شعبۂ کامرس کے صدر پروفیسر نواب علی خان نے بتایا کہ ڈاکٹر نیر رحمٰن کا انتخاب بین الاقوامی تجارت اور سرمایہ کاری کے شعبے میں ان کی مہارت کی بنا پر کیا گیا ہے۔
