اے ایم یو نے تعلیمی سال 2020-21 کے لئے (1) پروٹیکشن ٹیکنالوجی (2) فیشن ڈیزائننگ و گارمنٹ ٹکنالوجی اور (3) پالیمر و کوٹنگ ٹیکنالوجی میں بیچلر آف ووکیشن (بی ووک) اور (4) کمپیوٹرائز شو ڈیزائن و ڈیولپمنٹ میں ڈپلوما کورس (ڈی ووک) کے داخلہ فارم جمع کرنے کی آخری تاریخ بڑھا کر 5 ستمبر 2020 کر دی ہے۔
نوڈل افسر پروفیسر ارشاد عمر نے بتایا کہ کورس میں داخلہ کی اہلیت اے ایم یو یا کسی دیگر تسلیم شدہ ادارے سے 45 فیصد نمبرات کے ساتھ سینئر سیکنڈری اسکول سرٹیفکٹ امتحان یا مساوی امتحان (بارہویں جماعت) پاس مقرر ہے۔ دیگر شرائط وہی رہیں گی جو داخلہ گائیڈ 2020-21 میں دی گئی ہیں۔
