پروفیسر مظہر علی نے بتایا کہ 121 ممالک سے تقریبا 400 مندوبین کو اجلاس میں مدعو کیا گیا تھا۔ جس میں 29 یونیورسٹیاں بھی شامل تھیں۔ اور اس میں اے ایم یو واحد بھارتی یونیورسٹی تھی۔ اجلاس میں اے ایم یو کو آبزرور کا درجہ دیا گیا۔
آن لائن سیشن کے دوران پروفیسر مظہر علی نے قومی، علاقائی اور عالمی پس منظر میں جیو اسپیشیئل انفارمیشن کے موجودہ اور مستقبل کے نکات پر روشنی ڈالی۔ ایجنڈے کے مختلف امور پر اے ایم یو کے مندوبین نے بیان شامل ہے جس میں مقامی جغرافیائی معلومات اور اعداد و شمار کو مربوط کرنے پر زور دیا گیا ہے۔
آن لائن اجلاس کا انعقاد نیویارک میں اقوام متحدہ کے ہیڈ کوارٹر سے کیا گیا۔ نظامت کے فرائض ڈاکٹر اسٹیفن ( چیئر، یو این جی جی آئی ایم)، گریگ ایسکاٹ اور کرسٹا نے انجام دیئے۔
اس ورچوئل اجلاس میں اے ایم یو کی طرف سے پیش کیے گئے بیان کو یو این جی جی آئی ایم کی فائنل رپورٹ میں شامل کیا گیا ہے۔
