اے ایم یو میں جواہر لعل نہرو میڈیکل کالج کے قریب موجود 'گلستان سرسید' میں سال میں دو مرتبہ پھولوں کی نمائش کا اہتمام کیا جاتا ہے جس میں یونیورسٹی اور ضلع علی گڑھ کے پھولوں کے شوقین افراد اپنے خوبصورت پھولوں کے گملے کے ساتھ حصہ لیتے ہیں۔
اس نمائش میں مختلف زمرے کے مقابلے میں کامیابی حاصل کرنے والے افراد کو انعامات سے بھی نوازا جاتا ہے۔
دو روزہ پھولوں کی نمائش میں خاصی تعداد میں عوام کو مختلف قسم کے پھولوں کی خوشبوں اور ان کی خوبصورتی کھینچ لاتی ہے۔
یونیورسٹی گارڈنس اور پرائیویٹ گارڈن کی ججنگ دس مارچ کو کی جائے گی۔ خواہش مند افراد اپنی انٹریز 9 مارچ تک لینڈ اینڈ گارڈن دفتر میں صبح 9 بجے سے شام 5 بجے تک بھیج سکتے ہیں۔
یونیورسٹی لینڈ اینڈ گارڈن شعبہ کے ممبر انچارج پروفیسر ذکی انور صدیقی نے بتایا کہ 11 مارچ کو مقابلوں کے شرکاء اپنے اپنے گملے 'گلستان سرسید' میں لا سکتے ہیں۔ 10 مارچ کو ججنگ ہوگی۔
انہوں نے بتایا کہ یہ نمائش 12 مارچ کو صبح 11 بجے سے پانچ بجے تک اور 13 مارچ کو صبح 9 بجے سے شام 5 بجے تک عام لوگوں کے لیے کھلی رہے گی۔
14 مارچ کو دوپہر ڈیڑھ بجے سے گلستان سرسید میں پھولوں کے گملے فروخت کیے جائیں گے۔
