اترپردیش کے ضلع امروہہ کے گجرولا میں چیکنگ کے دوران کرائم برانچ کی ٹیم نے مخبر کی اطلاع پر لاکھوں روپیے مالیت شراب کے ساتھ تین افراد کو گرفتار کیا ہے۔
اطلاعات کے مطابق امروہہ ایس پی کی ہدایت پر گجرولا پولیس اور کرائم برانچ کی جانب سے مشترکہ طور پر غیر قانونی شراب مافیاؤں کے خلاف مہم چائی جارہی تھی۔
اس دوران مخبر کے اطلاع پر سامنے سے آرہی دو گاڑیوں کو پولیس نے روک کر چیکنگ کی، جہاں سے ہریانہ مارکہ اور اروناچل پردیش مارکہ کے لاکھو روپے قیمت کے شراب کے ساتھ پولیس نے دو لوگوں کو گرفتار کیا ہے۔
گرفتار ملزمین کے پاس سے پولیس نے غیر قانونی ہتھیار بھی برآمد ہوئے ہیں۔
اس ضمن میں ایڈیشنل سپرنٹنڈنٹ پولیس اجئے پرتاپ نے گرفتار ملزمین سے پوچھ گچھ کی تو انہوں نے بتایا کہ اترپردیش میں آئندہ ہونے والے بلدیہ انتخابات کے پیش امیدواروں کو ہریانہ اور اروناچل پردیش سے شراب لاکر فروخت کررہے تھے۔
فی الحال پولیس دونوں ملزمین پر مقدمہ درج کرکے جیل بھیج دیا ہے۔
