ضلع امروہہ کے گجرولہ میں لینڈ مافیا کے ذریعہ غیر قانونی طور پر تعمیر کیے گئے دکان اور مکان پر ایم ڈی اے نے بڑی کارروائی کرتے ہوئے ان غیر قانونی عمارت کو مسمار کرنے کا کام کیا ہے۔ جس کی وجہ سے امروہہ کے لینڈ مافیا میں ہلچل مچ گئی ہے۔
گجرالہ علاقے میں لینڈ مافیا کی غیر قانونی تعمیر کو انتظامیہ اور پولیس افسران نے جے سی بی کی مدد سے گرا دیا ہے اور لینڈ مافیا کو سخت انتباہ جاری کیا ہے کہ جنہوں نے بغیر اجازت اور بغیر لے آؤٹ کے کوئی عمارت تعمیر کی تو اس پر سخت کاروائی کی جائیگی۔
تحصیل دھنورا کے ڈپٹی کلکٹر وویک یادو نے بتایا کہ لینڈ مافیا کی طرف سے غیر قانونی تعمیرات کے بعد غیر قانونی دکانیں اور مکانات بنانے کی شکایت مرادآباد ڈویلپمنٹ اتھارٹی کے عہدیداروں کو موصول ہوئی تھی ، جس کے بعد ایم ڈی اے حکام نے جے سی بی کی مدد سے سخت کارروائی کرتے ہوئے ان عمارت کو مسمار کرنے کا کام کیا ہے۔ جس میں تحصیل انتظامیہ اور پولیس فورس موجود رہے ہیں۔
