امروہہ میں کسانوں نے قومی شاہراہ کو جام کیا

ریاست اترپردیش کے امروہہ ضلع کی قومی شاہراہ 9 پر بھارتی کسان یونین بھنو نے زرعی بل کے خلاف احتجاج کرتے ہوئے شاہراہ کو بلاک کردیا۔ کسان رہنماؤں نے حکومت سے مطالبہ کیا کہ حکومت زراعت بل کو واپس لے اور MSP قانون نافذ کرے۔

اترپردیش کے امروہہ ضلع میں بھارتی کسان یونین بھنو نے زراعت بل کے خلاف شدید احتجاج کیا۔ بھارتی کسان یونین بھنو سے تعلق رکھنے والے کسانوں نے قومی شاہراہ 9 کو جام کردیا اور زوردار نعرے بازی کی۔

بھارتیہ کسان یونین بھنو کے قومی نائب صدر چودھری دیوکار سنگھ نے کہا کہ حکومت تین ایسے کالے آرڈیننس لائی ہے جو کسان مخالف ہے اور یہ کسی بھی طرح سے کسانوں کے مفاد کے لیے نہیں لائی گئ ہے ۔ انہوں نے کہا کہ یہ تینوں بل کسانوں کے لئے کالا باب ہے۔ چودھری دیوکار سنگھ نے کہا کہ حکومت کو یہ آرڈیننس واپس لینا ہوگا۔ انہوں نے کہا کہ جب ملک کا کسان حکومت تشکیل دے سکتا ہے تو وہ حکومت کو گرا بھی سکتا ہے۔چودھری دیوکار سنگھ نے کہا کہ اگر حکومت اس بل کو واپس نہیں لیتی ہے تو پھر کسانوں کی طرف سے مسلسل احتجاج کیا جائے گا۔ انہوں نے کہا کہ لاک ڈاؤن اور کورونا وائرس جیسے اوقات میں بھی ، ملک کے کسانوں نے ملک کی جی ڈی پی کو بچانے کا کام کیا ہے۔چودھری دیوکار نے کہا کہ اگر اس بل کے فوائد ہیں تو حکومت مختلف مقامات پر ورکشاپس کا انعقاد کرے اور کسانوں کو اس بل کے فوائد بتائے اور اگر حکومت کسان کا فائدہ چاہتی ہے تو ایم ایس پی قانون نافذ کریں۔