بھارتی ریاست اترپردیش میں ضلع میرٹھ کے سردھنہ تھانہ علاقے کے کشور پورگاؤں میں بابا صاحب ڈاکٹر بھیم راؤ امبیڈکر کے مجسمے کو کچھ شرپسند عناصر نے نقصان پہنچایا ہے۔
خیال رہے کہ کشور پور گاؤں کے ایک احاطے میں امبیڈکر کا مجسمہ نصب تھا، جس کو کچھ شرپسندوں نے باہر سے اینٹ اور پتھر مار کر شدید طور پر نقصان پہنچایا۔
انہوں نے مزید کہا کہ بھیم راؤ امبیڈکر کے مجسمے کے سامنے ہم لوگ ہر برس خراج عقیدت پیش کرتے ہیں اور تمام طبقے کے لوگ مشترکہ طور پر رہتے ہیں، لیکن اس طرح کی حرکت آپسی بھائی چارے کو توڑنے کے لیے کیا گیا ہے۔
کشور پور گاؤں کے لوگوں نے مورتی کے سامنے نعرہ بازی اور ہنگامہ آرائی کی اور شرپسند عناصر کی گرفتاری کا مطالبہ بھی کیا۔
ای ایس پی راجیش کمار کا کہنا ہے کہ گاؤں والوں نے اس کی شکایت سردھنہ تھانے میں کی تھی جس پر فوری کارروائی کرتے ہوئے پولیس کی بھاری فورس تعینات کردی گئی اور ناخوشگوار حالات سے نمٹنے کے لیے پولیس پوری طرح مستعد ہوگئی ہے۔
وہیں دوسری جانب نامعلوم افراد کے خلاف پولیس مقدمہ درج کرکے تلاشی شروع کردی ہے۔
خیال رہے کہ ا س واقعہ کے بعد وہاں پر امبیڈکر کے دوسری مجسمے کو نصب کردیا گیا ہے، حالانکہ گاؤں میں کسی طرح کی کشیدگی نہیں ہے۔
گاؤں کی صورتحال کو دیکھیں تو فی الحال گاؤں کی خواتین میں مجسمے کو نقصان پہنچانے کے سلسلے میں غم و غصہ دیکھا جارہا ہے۔
