نرسنگھانند سرسوتی کے خلاف آل انڈیا مسلم فیڈریشن کے وفد نے رامپور کے تھانہ کوتوالی میں آج ایک تحریر انسپیکٹر کو دی گئی۔
جس میں کہا گیا کہ گستاخ رسول نرسنگھانند سرسوتی کو گرفتار کرکے اس کے خلاف سخت سے سخت قانونی کارروائی کی جائے۔
اس موقع فیڈریشن کے قومی صدر بابر خاں نے ای ٹی وی بھارت سے بات کرتے ہوئے کہا کہ توہین رسالت کسی بھی قیمت پر برداشت نہیں کی جائے گی۔ بابر خاں نے پرزور انداز میں کہا کہ ہم مانگ کرتے ہیں کہ نرسنگانند کو پھانسی کی سزا دی جانی چاہئے۔
انہوں نے کہا کہ بھارت ایک آزاد ملک ہے جہاں لوگوں کو اظہار رائے کی آزادی حاصل ہے۔ لیکن اس کا مطلب یہ ہرگز نہیں ہے کہ کوئی شخص کسی دوسرے مذہب کی برگزیدہ شخصیت پر طعن تشنیع کرے۔
واضح رہے کہ گذشتہ دنوں اترپردیش کے ڈاسنہ مندر کے پوجاری نرسنگھانند سرسوتی نے نبی کریم صلی اللہ علیہ وسلم کی شان میں گستاخانہ کلمات کہے تھے جس کے خلاف ملک کی مختلف ریاستوں میں کئی ایف آئی آر درج ہو چکی ہیں۔
