مظفرنگر کوتوالی تھانہ علاقے کے محلہ کھالا پار میں واقع مسجد نبی کریم کی گلیوں میں سڑک کافی خستہ حال ہے جس کی وجہ سے لوگوں کو کافی مشکلات کا سامنا کرنا پڑرہا ہے۔
مقامی لوگوں نے سڑک کی مرمت کے لیے متعدد مرتبہ ضلع انتظامیہ کو آگاہ کیا اور میمورینڈم بھی پیش کیا لیکن ہر بار ان کو یقین دہانی کرائی گئی۔ اور اس کی مرمت کا کام آج تک نہیں کیا گیا ۔
مظفر نگر: اے آئی ایم آئی ایم نے ضلع انتظامیہ کو میمورنڈم دیا
سڑکوں کی خستہ حالی کے سبب آل انڈیا مجلس اتحاد المسلمین کے صدر سلیم علی کی سربراہی میں درجنوں کارکنان اور عہدے داران نے ضلع انتظامیہ کو ایک میمورنڈم دیا اور مطالبہ کیا کہ ان گلیوں کی سڑکوں کی مرمت جلد کرائی جائے کیوں کہ ہلکی بارش کی وجہ سے بھی ان گلیوں میں پانی بھر جاتا ہے، اور مقامی لوگوں کو مشکلات کا سامنا کرنا پڑتا ہے۔
