'اپنے مستقبل کی منصوبہ بندی، مدرسے سے جدید تعلیم تک' کے موضوع پر ویب ٹاک میں روایتی اور جدید کے درمیان فرق کو ختم کرنے کے لئے تعلیم کی اہمیت اور مدرسے کے طلبہ کو جدید دور کے مطابق تعلیم فراہم کرنے پر غور و خوص کیا گیا۔
ریسورس پرسن، اے ایم یو کے سابق طالب علم ڈاکٹر سعادت ایم الہاشمی (یونیورسٹی آف شارجہ، متحدہ عرب امارات) نے طلبہ سے بات چیت کی اور انہیں کیریئر کے پیش نظر منصوبہ بندی اور محتاط فیصلے کی اہمیت کے بارے میں جانکاری دی۔
انہوں نے طبیعیات، کیمسٹری، حیاتیات، جغرافیہ، ریاضی، کمپیوٹر سائنس، انگریزی زبان اور ادب اور دیگر باقاعدہ مضامین کے ساتھ جدید نصاب کا مطالعہ کر کے روزگار کے مواقع کے لئے خود کو بہتر طور سے تیار کرنے کی اہمیت کواجاگر کیا۔
مزید پڑھیں:اے ایم یو پروفیسر ایم جے وارثی کی تحقیق نصاب میں شامل
ڈاکٹر نسیم احمد خان (ڈائریکٹر، سی ای پی ای سی اے ایم آئی) نے خطبہ استقبالیہ دیا ۔جبکہ ڈاکٹر خورشید عالم نے مہمان مقرر کا تعارف پیش کیا اور ڈاکٹر فرحین انجم نے شکریہ ادا کیا۔ پروگرام کی نظامت ایم راشد عقیل نے کی۔
