ریاست اترپردیش کے ضلع علی گڑھ میں کمشنر دفتر میں دو اسٹاف سمیت 28 افراد کورونا مثبت پائے گئے جس کے ساتھ ہی متاثرین کی تعداد 1021 ہو گئی ہے جس میں 26 اموات، 668 صحتیاب اور 327 ایکٹیو کیسز موجود ہیں۔
کمشنر دفتر کے دو اسٹاف سمیت 28 کی رپورٹ اے ایم یو کے جواہر لعل نہرو میڈیکل کالج اور پرائیویٹ لیب سے مثبت آئی ہے۔
لوگوں نے احتیاطی تدابیر چھوڑ دی ہے جس کے سبب کورونا وائرس میں مسلسل اضافہ ہو رہا ہے۔ ان لاک کی وجہ سے بازاروں میں خاصی بھیڑ دیکھی جا رہی ہے اور سماجی دوری کا بھی خیال نہیں رکھا جا رہا۔
علی گڑھ ڈی ایم چند بھوشن سنگھ نے ایک بار پھر عوام سے اپیل کی ہے کہ وہ اپنے گھروں میں محفوظ رہیں، ضرورت پر ہی گھر سے باہر نکلیں۔
ضلع علی گڑھ میں آج صبح 11:30 بجے تک کورونا وائرس متاثرین کی تعداد 1021 پر پہنچی جس میں 26 اموات ہو چکی ہیں۔
