اے ایم یو فاصلاتی تعلیم کے مختلف کورسز میں داخلہ آج سے شروع

علی گڑھ مسلم یونیورسٹی (اے ایم یو) کے مرکز برائے فاصلاتی تعلیم نے تعلیمی سال 2020 - 21 کے لئے آج سے مختلف کورسز میں داخلہ شروع کر دیا اور آخری تاریخ 31 اکتوبر 2020 تک ہے۔

اے ایم یو مرکز برائے فاصلاتی تعلیم کے ڈائریکٹر پروفیسر محمد نفیس احمد انصاری نے بتایا کہ 'ڈسٹنس ایجوکیشن بیورو، حکومت ہند کے نوٹیفکیشن کے مطابق 24 کورسز میں داخلہ کا عمل آج سے شروع کیا گیا ہے۔'

فاصلاتی تعلیم کے خواہش مند طلبا و طالبات آف لائن یا آن لائن دونوں طریقہ سے داخلہ فارم جمع کر سکتے ہیں اور فیس بھی آن لائن یا آف لائن جمع کر سکتے ہیں۔

داخلہ کی فیس آف لائن فائنانس افسر، اے ایم یو علی گڑھ کے نام بینک ڈرافٹ کی شکل میں جمع کی جا سکتی ہے۔ سبھی داخلہ کی آخری تاریخ 31 اکتوبر 2020 ہے۔