اسمبلی انتخابات میں سماج وادی پارٹی کی حکومت یقینی: اکھلیش

شیوپال یادو سے اتحاد کی بات پر اکھلیش نے کہا کہ جو چھوٹی پارٹیاں بی جے پی کو ہرانا چاہتی ہیں اس کے لئے ایس پی نے راستہ کھلا رکھا ہے سب مل کر بی جے پی کو ہرائیں گے۔

سماجو ادی پارٹی (ایس پی) کے سربراہ اکھلیش یادو نے دعویٰ کیا ہے کہ سال 2022 کے اسمبلی انتخابات میں یوپی میں ان کی پارٹی کی حکومت سازی یقینی ہے۔

مسٹر یادو نے اپنے آبائی گاؤں سیفئی میں کارکن سمیلن کے بعد میڈیا نمائندوں سے کہا کہ سال 2022 میں یوپی اسملبی کے انتخاب میں سماج وادی پارٹی (ایس پی) کی حکومت بنے گی۔ ریاست کے عوام نے بی جے پی حکومت کو ہرانے کا من بنالیا ہے۔ بی جے پی نے اپنے منشور کی بنیاد پر کوئی بھی کام نہیں کیا ہے۔

انہوں نے کہا کہ مغربی بنگال کے انتخابات میں ہار ہر کسی نے دیکھی ہے عوام نے بی جے پی کو بری طرح سے شکست دی ہے۔ بہار، بنگال انتخاب میں جس طرح سے بی جے پی نے بدنیتی سے کام کیا ہے وہ سب نے دیکھا ہے۔

شیوپال یادو سے اتحاد کی بات پر اکھلیش نے کہا کہ جو چھوٹی پارٹیاں بی جے پی کو ہرانا چاہتی ہیں اس کے لئے ایس پی نے راستہ کھلا رکھا ہے سب مل کر بی جے پی کو ہرائیں گے۔ ایس پی کی سیاست بی جے پی کی مغرور حکومت کو اقتدار سے بے دخل کرنا ہے جس میں وہ ہر حال میں کامیاب ہوگی۔

اکھلیش یادو نے کہا کہ بی جے پی گھبرائی ہوئی ہے اور اب ناراض ساتھیوں کو منانے میں لگی ہے۔ ان سے سودا کررہی ہے۔ مسٹر یادو نے راہل گاندھی کے سوشل میڈیا پر پوسٹ ڈلیٹ کرنے کے جواب میں کہا کہ یہ سب انتخاب تک سننے میں آتا رہے گا۔ انہوں نے مزید کہا ہے کہ سبھی پارٹیوں نے بنگال اور بہار کے انتخابات میں تشدد سے سبق سیکھا ہے اس کا مقابلہ انتخابی سطح پر لیڈر اور کارکن کریں گے۔

یو این آئی