مرادآباد: آل انڈیا مجلس اتحاد المسلمین کے ریاستی صدر شوکت علی اترپردیش کے ضلع مراد آباد کے دورے پر وہاں پارٹی کے کارکنان سے ملاقات کی اور ان کی حوصلہ افزائی کی۔ پارٹی کی جائزہ میٹنگ کے دوران ریاستی صدر نے پارٹی کو مضبوط بنانے کو لے کر تبادلۂ خیال کیا۔ ہندو راشٹر کا مطالبہ کرنے والوں سے متعلق سوال پوچھے جانے پر اے آئی ایم آئی ایم کے ریاستی صدر شوکت علی نے کہا کہ آپ (صحافی) بھی ایک قسم کا جہاد کر رہے ہیں، آپ مجاہد بھی ہیں کیونکہ آپ اپنی رپورٹنگ سے لوگوں کو بیدار کر رہے ہیں، یہ ایک سیاسی جہاد ہے جو ہم کر رہے ہیں جس کا مطلب لڑائی ہے۔ ایم آئی ایم کے رہنما شوکت علی نے کہا کہ صحافیوں نے نفرت پھیلانے والوں کی اشتعال انگیز بیان بازی کو بھی واضح کرنے کی کوشش کی ہے۔
درحقیقت وہ اپنے کارکنوں کے درمیان کہہ چکے ہیں کہ سیاست اس مقام پر پہنچ گئی ہے کہ اگر مسلمان اس میں شامل نہیں ہوئے تو ان کی مساجد پر بھی پابندی لگا دی جائے گی۔ مساجد کے خلاف کارروائی کی جا رہی ہے۔ وہ سوال کا جواب دے رہے تھے۔ اسی طرح انہوں نے 2008 میں دہلی کے بٹلہ ہاؤس واقعے پر بھی وضاحت دینے کی کوشش کی ہے، انہوں نے کہا کہ وہ خود ضلع اعظم گڑھ کے رہنے والے ہیں اور بٹلہ ہاؤس میں رہنے والے مسلم نوجوانوں کو اب تک انصاف نہیں ملا ہے۔ انہوں نے کہا کہ سچر کمیٹی کی رپورٹ کے مطابق مسلمان پسماندہ ہیں، مسلمان دلتوں سے بھی پسماندہ ہیں۔ اس کے لیے وہ سیاسی پارٹیاں ذمہ دار ہیں جنہوں نے مسلمانوں کو صرف ووٹ بینک کے طور پر استعمال کیا ہے۔
یہ بھی پڑھیں:Farmers Protest حقوق کے لئے کسانوں کا ایک بار پھر گریٹر نوئیڈا اتھارٹی کے خلاف احتجاج
