یکم دسمبر کو عالمی سطح پر یوم ایڈز کا اہتمام کیا جاتا ہے۔ اس دن صحت کی تنظیمیں، کالج اور اسکول کے طلبا مختلف تقاریب اہتمام کرتے ہیں۔ حکومت کے پیغام کو عوام تک پہنچایا جاتا ہے۔ ایڈز کے مریضوں سے ہمدردی کا اظہار کیا جاتا ہے۔
رامپور واقع ضلع جیل میں آج محکمہ صحت کی ٹیم نے ایک سماجی تنظیم کے اشتراک سے قیدیوں کے لئے ایڈز بیداری کیمپ کا اہتمام کیا۔ اس موقع پر جیل سپرنٹنڈنٹ پی ڈی سلونیا نے بتایا کہ ضلع جیل میں قیدیوں کے لئے خصوصی پروگرام کا اہتمام کرکے قیدیوں کو اس بیماری سے متعلق بیدار کیا گیا۔ یہ پوچھے جانے پر کہ اس جیل میں کتنے قیدی اس بیماری کا شکار ہیں تو انہوں نے بتایا کہ چار قیدی ایڈز سے متاثر ہیں۔
'ایڈز کا علم، بچائے زندگی' کے عنوان سے منعقدہ اس کیمپ میں سماجی کارکن مامون شاہ خاں نے ای ٹی وی بھارت سے گفتگو کرتے ہوئے کہا کہ وقت رہتے اگر اس بیماری کے خاتمے سے متعلق علم ہو جائے تو بہت حد تک اس کا خاتمہ کیا جا سکتا ہے۔
