نوئیڈا:اترپردیش کے ضلع نویڈا کی پولیس کا ایک اور کارنامہ سامنے آیا ہے ۔ زیادتی کا ملزم پولیس کی تحویل سے فرار ہو گیا ہے۔ پولیس عصمت دری کے ملزم کو طبی معائنے کے لئے ضلع اسپتال لے گئی۔ ملزم پولیس کو چکمہ دے کر وہاں سے فرار ہو گیا۔Accused Of Rape Escapes From Police Custody,Police Officials Suspended,Three Teams Formed
اس طرح نوئیڈا پولیس کے کام کرنے کے طریقے پر ایک بار پھر سوال اٹھنے لگا ہے ۔ اعلیٰ حکام کی ہدایت پر ملزم کی گرفتاری کے لئے 3 ٹیمیں تشکیل دے دی گئی ہیں۔اس کے ساتھ ہی لاپرواہی برتنے کے الزام میں ڈیوٹی پر تعینات پولیس اہلکار کو معطل کردیا گیا ہے۔
زیادتی کا ملزم فرار کیسے ہوا؟
موصولہ اطلاعات کے مطابق نوئیڈا کے سیکٹر 113 کوتوالی علاقے میں ایک لڑکی کے ساتھ عصمت دری کا واقعہ پیش آیا۔ پولیس نے پیر کے روز ملزم کملیش کو گرفتار کر لیا۔ طبی معائنے کے لئے ڈسٹرکٹ ہسپتال لے گئی۔
وہیں ملزم پولیس کو چکمہ دے کر فرار ہو گیا۔ جس کے بعد تھانے میں کہرام مچ گیا۔ اس معاملے میں ڈی سی پی آشوتوش دویدی نے بتایا کہ لاپرواہی برتنے پر ہیڈ کانسٹیبل یس ویئر اور ہوم گارڈ پردیپ اور ملزم کملیش کے خلاف مقدمہ درج کرکے کاروائی کی جا رہی ہے ۔
انہوں نے کہاکہ قصور وار پولیس اہلکاروں کو فوری معطل کر دیا گیا ہے۔ دوسری جانب ملزم کی گرفتاری کے لئے 3 ٹیمیں تشکیل دے دی گئی ہیں۔ عصمت دری کے ملزم کی شناخت مین پوری کے رہنے والے کملیش کے طور پر کی گئی ہے۔Accused Of Rape Escapes From Police Custody,Police Officials Suspended,Three Teams Formed
