نوئیڈا کی پولیس نے فیز 2 تھانہ حلقے کے نیا گاؤں کے قریب ایک نوجوان لڑکی پر چاقو سے حملہ کرنے والے ملزم شیو ناتھ کو گرفتار کر لیا ہے۔ پولیس نے کینٹ آر او چوراہے سے ملزم کو گرفتار کیا ہے۔
پولیس نے واردات میں استعمال ہونے والے چاقو کو بھی ملزم کی نشاندہی پر ہینڈن پستہ کے پاس گرین بیلٹ سے برآمد کرلیا گیا ہے۔
لڑکی کو تشویشناک حالت میں ایک پرائیویٹ اسپتال میں داخل کیا گیا تھا، جہاں سے بعد میں اسے دہلی ریفر کردیا گیا۔
پولیس کے مطابق لڑکی کا ملزم کے آٹو پر نہیں بیٹھنا اس حملہ کی وجہ تھی۔ لڑکی پہلے اپنی سہیلی کے ساتھ ملزم کے آٹو سے ڈیوٹی پر جاتی تھی۔
لیکن جب لڑکی کو ملزم کے نشہ کا عادی ہونے کی اطلاع ملی تو اس نے اس کے آٹو سے ڈیوٹی جانا بند کردیا۔ جس کی وجہ سے ملزم لڑکی سے ناراض ہوگیا اور اس حملے کو انجام دیا۔
بہار کی رہنے والی 20 سالہ لڑکی سیکٹر 63 میں واقع فیکٹری میں کام کے لئے صبح روانہ ہوئی تو نوجوان شیو ناتھ آٹو رکشہ میں آیا اور خاتون کے گلے پر چاقو سے حملہ کر کے فرار ہوگیا۔
لڑکی کو تشویشناک حالت میں علاج کے لئے نوئیڈا کے ایک اسپتال میں داخل کرایا گیا۔ لیکن لڑکی کی حالت نازک ہونے کے بعد اسے دہلی کے صفدرجنگ اسپتال ریفر کردیا گیا ہے۔
مزید پڑھیں:
نابالغ کرتب باز آٹورکشا ڈرائیور گرفتار
ملزم کے خلاف اقدام قتل کی دفعہ کے تحت مقدمہ درج کر کے معاملے کی تحقیقات شروع کر دی گئی ہے۔
