ضلع جونپور میں ویاپار منڈل کلیان نام کی تنظیم کی جانب سے منعقدہ اس تقریب میں ریاستی صدر جاوید عظیم نے تاجروں کے درمیان فوڈ لائسنس تقسیم کیا۔ تنظیم کے ارکان نے اتفاق رائے سے ابصار قریشی کو کھیتا سرائے شہر کے صدر عہدے کے لیے منتخب کیا۔
ویاپار منڈل کے صدر منتخب
اس موقع پر تنظیم کے صدر اور ارکان نے نو منتخب صدر ابصار قریشی کی گل پوشی کی اور انہیں مبارکباد پیش کی-
ای ٹی وی بھارت سے خصوصی گفتگو میں ویاپار منڈل کلیان سمیتی کے ریاستی صدر جاوید عظیم نے بتایا کہ آج ابصار قریشی کو کھیتاسراے کا شہر صدر منتخب کیا گیا ہے۔
انہوں نے کہا کہ ابصار قریشی ہمیشہ لوگوں کی خدمت کرتے رہتے ہیں۔ ان کے اس جذبے کو دیکھتے ہوئے یہ فیصلہ لیا گیا ہے۔ امید کی جاتی ہے کہ ابصار قریشی تاجروں کے مفادات اور ان کے مسائل کے حل کے لئے ہمیشہ کوشاں رہیں گے۔
