مرادآباد: شرابی شوہر سے تنگ آکر خاتون کی خودکشی کی کوشش

اترپردیش کے ضلع مرادآباد میں ایک خاتون نے اپنے شرابی شوہر سے پریشان ہو کر ٹوائلٹ کلینر پی لیا جس سے اس کی حالت بگڑ گئی۔ پتہ چلنے پر اسے فورا ہسپتال میں داخل کرایا گیا۔ جہاں خاتون کی حالت نازک بتائی جا رہی ہے۔

ریاست اترپردیش کے ضلع مرادآباد کے تھانہ پاک بڑا کا معاملہ ہے۔ جہاں پر خاتون اپنے شوہر کے ساتھ رہتی ہے۔
خاتون کا الزام ہے کہ اس کا شوہر شراب کے نشے میں اس کے ساتھ مارپیٹ کرتا ہے۔ ہر بار کی طرح آج بھی کچھ ایسا ہی ہوا۔ جس کی وجہ سے خاتون نے غصے میں آکر ٹوائلٹ کلینر پی لیا۔ جس سے خاتون کی حالت بگڑ گئی۔ اسے جلدی میں ضلع ہسپتال میں داخل کرایا گیا۔ جہاں پر اس کا علاج چل رہا ہے۔

ڈاکٹروں کا کہنا ہے کہ خاتون کی حالت نازک ہے لیکن علاج سے جلد ہی ٹھیک کر لیا جائے گا۔خاتون نے پولیس سے کہا ہے کہ اس کے شوہر سے بچایا جائے تاکہ وہ بھی اچھی زندگی گزار سکے۔