وارانسی کے سی ایم او آفس سے اس بات کی تصدیق ہوگئی ہے کہ نوجوان کورونا سے متاثر ہے۔ ڈاکٹروں کی ٹیم اسے پنڈت دین دیا اپادھیائے ہسپتال میں کے آئیسولیشن وارڈ میں داخل کرایا ہے۔
بتایا جارہا ہے کہ نوجوان حال ہی میں متحدہ عرب امارات سے وارانسی واپس آیا تھا، یہ نوجوان جون 2019 میں متحدہ عرب امارات گیا تھا اور وہاں کے کال سینٹر نے ملازمت کر رہا تھا۔ 20 مارچ کو فلائٹ لائٹ کے ذریعے بنارس آیا تھا۔
اب تک کی معلومات کے مطابق نوجوان ایئرپورٹ سے ٹیکسی کے ذریعے گھر آیا تھا، پچھلے کئی دنوں سے گھر میں ہی تھا اس کی اہلیہ کو تین دن پہلے وارانسی کے ایک نجی اسپتال میں علاج کے لیے داخل کرایا گیا تھا، اس نوجوان کے گلے میں درد تھا جسے جانچ کے لئے ہسپتال آیا تھا۔ نوجوان سے خون کا نمونہ لیا گیا۔
رپورٹ آنے کے بعد کورونا وائرس سے متاثر ہونے کی تصدیق ہوئی ہے۔ ان کے گھر میں بیوی بچے کے علاوہ ماں، باپ، بھابھی اور بھائی ہیں۔
وارانسی کی ضلع انتظامیہ نے ان کے گھر والوں کو آئسولیشن میں رکھا ہے۔ کل بھی خون کے نمونے لے جائیں گے۔
