ایک شخص نے اپنے پڑوس میں رہنے والے باپ بیٹوں پر بیٹ سے حملہ کر دیا۔ اس حملے میں بیٹے کی موت ہوگئی اور والد کی حالت نازک ہے۔ اس واقعے کے بعد حملہ آور فرار ہے، جس کو پولیس تلاش کر رہی ہے۔
یہ واقعہ جمعرات شام کا ہے۔ جنک پوری تھانہ علاقے میں ضلع اسپتال کے سامنے دامودر پوری کالونی میں رہنے والے اوم پال کا اپنے ہی پڑوسی ہری اوم پاسوان کے ساتھ جھگڑا ہوگیا تھا۔ دونوں نے کتے پال رکھے ہیں۔ بتایا جاتا ہے کتوں کے پاخانے کو لے کر ان کے درمیاں کئی بار جھگڑا ہو چکا ہے۔ جمعرات کو ایک بار پھر دونوں کے درمیان جھگڑا ہوگیا تھا۔
دونوں سڑک پر آ گئے اور ہاتھا پائی ہونے لگی۔ اسی دوران اوم پال کا بیٹا گھر سے کرکٹ کھیلنے والا بیٹ اٹھا لایا اور اس نے بیٹ سے ہری اوم پاسوان اور اس کے 22 برس کے بیٹے دیپک پر حملہ کر دیا۔ اس حملے میں دیپک کی موت ہوگئی جبکہ ہری اوم اور اس کا دوسرا بیٹا شدید زخمی ہوگیا۔
اس خطرناک واردات کو انجام دے کر ملزم فرار ہوگیا۔ پولیس زخمی افراد کو لے کر ہسپتال پہنچی جہاں دیپک کو ڈاکٹروں نے مرا ہوا بتا دیا۔
اس وار دات کے بعد کالونی میں ڈر کا ماحول ہے۔ ایس پی سٹی ونیت بھٹناگر کا کہنا ہے کہ 'تحریر کے تحت مقدمہ درج کیا جارہا ہے جلد ہی قاتل کو گرفتار کر لیا جائے گا۔'
