Namaz e Juma in Gyanvapi Mosque: گیان واپی مسجد میں نماز جمعہ کے لیے نمازیوں کی بھاری بھیڑ

گیانواپی مسجد میں سروے کے بعد سے سب کی نگاہ عدالت پر ہے۔ تاہم مسلم کمیونٹی کے لوگوں کی ایک بڑی تعداد گیانواپی مسجد کے باہر جمعہ کی نماز کے لیے جمع ہوئی اور نماز جمعہ ادا کی لیکن بھیڑ زیادہ ہونے کی وجہ سے بہت سارے لوگوں کو گیان واپی مسجد میں نماز ادا کرنے سے محروم ہونا پڑا Friday prayers at Gyanvapi mosque pass off peacefully۔

بنارس: گیانواپی مسجد میں جمعہ کی نماز بحفاظت ادا کی گئی۔ مسجد میں مخصوص تعداد میں لوگوں کو داخلے کی اجازت دی گئی۔ اس دوران انتظامیہ کی جانب سے سکیورٹی کے سخت انتظامات کیے گئے تھے۔ مسجد کے باہر موجود بہت زیادہ بھیڑ کو دیکھتے ہوئے مسجد کے انتظامیہ کمیٹی نے اعلان کیا کہ مسجد میں جگہ نہیں ہونے سے لوگ کسی دوسری مساجد میں جا کر نماز پڑھیں Crowds at the Gyan Vapi Mosque for Friday prayers۔

اس دوران نماز پڑھنے کے بعد باہر آنے والے زیادہ تر لوگوں نے میڈیا سے بات کرنے سے انکار کردیا۔ تاہم کچھ لوگوں نے کہا کہ انہوں نے آرام سے نماز پڑھی۔ اندر وضو کرنے کا پورا انتظام تھا۔ انہیں نماز میں کسی قسم کی پریشانی کا سامنا نہیں کرنا پڑا۔ نمازیوں نے کہا کہ وہ گنگا جمنی تہذیب کو برقرار رکھنا چاہتے ہیں۔ وہ کاشی کی ہم آہنگی کو ٹوٹنے نہیں دیں گے۔

قبل ازیں نماز جمعہ کے دوران کشیدگی کے خدشے کے پیش نظر انتظامی کمیٹی کی جانب سے کم تعداد میں آنے کے اعلان کے باوجود بھیڑ مسجد کے باہر جمع ہو گئی۔ گیان واپی مسجد میں 600 سے 700 لوگوں کے پہنچنے کے بعد مسجد کا دروازہ بند کر دیا گیا۔ نمازیوں سے کہا گیا کہ وضو خانہ پر مہر لگا دی گئی ہے، اس لیے وہ گھر سے وضو کرکے آئیں۔

اگرچہ مقامی لوگوں کا کہنا ہے کہ سروے کے بعد اتنی بھیڑ نظر آتی ہے لیکن عام طور پر اتنی بڑی تعداد میں لوگ نماز پڑھنے نہیں آتے۔ اس دوران سپریم کورٹ نے معاملے کو ضلع جج کو منتقل کر دیا ہے۔ جب کہ الہ آباد ہائی کورٹ میں سماعت 6 جولائی تک ملتوی کر دی گئی ہے۔