فرخ آباد کے فتح گڑھ جیل میں 60 قیدیوں سمیت 83 کورونا متاثر

اترپردیش کے ضلع فرخ آباد میں واقع فتح گڑھ سینٹرل جیل میں 60 قیدیوں کے کورونا متاثر ہونے کے ساتھ ہی 83 اور کورونا پازیٹو ملے ہیں، جس سے ان کی تعداد بڑھکر 3276 ہوگئی۔

سرکاری ذرائع نے اتوار اطلاع دی کہ اترپردیش کے فرخ آباد میں 83 نئے کورونا مثبت کیسز سامنے آئے ہیں۔ انہوں نے بتایا کہ ضلع کی فتح گڑھ سینٹرل جیل میں آج 60 قیدی کورونا متاثر ملے۔

اس کے علاوہ فرخ آباد کے شہری اور دیہی علاقے کے لوگ متاثر ہیں۔ انہوں نے بتایا کہ 3276 متاثر مریضوں میں سے گھر میں الگ تھلگ اور ٹھیک ہونے والوں کی تعداد 2064 ہے۔

انہوں نے بتایا کہ ضلع میں ابھی 1156 کورونا متاثرین کا مختلف ہسپتالوں میں علاج جاری ہے جبکہ 42 مریضوں کی موت ہوچکی ہے۔