یوپی میں اب تک 14,808 افراد کورونا سے صحت یاب

اترپردیش میں کورونا متاثرین کی تعداد 22 ہزار سے زیادہ ہوگئی ہے جبکہ اب تک 68 فیصد افراد ٹھیک بھی ہوچکے ہیں۔

لکھنؤ: اترپردیش میں کورونا متاثرین کی تعداد 22 ہزار سے زیادہ ہوگئی ہے لیکن اس بیماری سے تقریبا 68 فیصد افراد ٹھیک بھی ہوچکے ہیں۔
محکمہ صحت سے موصول اطلاع کے مطابق ریاست میں آج دوپہر تین بجے تک مجموعی طور سے22,147 مریضوں میں سے 14,808 صحتیاب ہوکر گھر لوٹ چکے تھے جبکہ 660 مریضوں کی موت ہوچکی ہے۔

ریاست کے مختلف اضلاع میں فی الحال 6679 مریضوں کا علاج کیا جارہا ہے۔

یوپی میں اب تک 14,808 افراد کورونا سے صحت یاب

ریاست میں سب سے زیادہ 910 سرگرم معاملے دہلی سے ملحق نوئیڈا میں ہیں جبکہ غازی آباد میں یہ تعداد 715 ہے۔ صوبہ کی راجدھانی لکھنؤ میں 411 مریضوں کا علاج کیا جارہا ہے وہیں کانپور میں 329، میرٹھ میں 290، وارانسی میں 149، ہاپوڑ میں 250، علی گڑھ میں 191، بلند شہر میں 179، آگرہ میں 107، متھرا میں 136، گورکھپور میں 101، ایٹاوہ میں 142 مریض اسپتالوں میں بھرتی ہیں۔ریاست میں روزانہ بیس ہزار سے زیادہ نمونوں کی جانچ کی جارہی ہے اور جلد ہی اس حد کوبڑھا کر 25000 ہزار کیا جائے گا۔

ریاست میں گزشتہ چوبیس گھنٹوں کے دوران 606 نئے معاملے سامنے آئے ہیں جبکہ پہلے سے بھرتی 593 مریض صحتیاب ہوکر اسپتال سے ڈسچارج کئے گئے۔

اس دوران گیارہ مریضوں کی موت ہوگئی جبکہ جھانسی میں دو اور میرٹھ، نوئیدا، کانپور، غازی پور، سنبھل، بریلی، ایٹاوہ اورمرادآباد میں ایک ایک مریض شامل ہیں۔