گوتم بدھ نگر میں نجی لیب میں ٹیسٹ کروانے سے پہلے یہ معلوم کرلیں کہ متعلقہ لیب آئی سی ایم آر سے سند یافتہ ہے یا نہیں۔ کیونکہ گوتم بدھ نگر کے سی ایم او ڈاکٹر دیپک اوہری نے لوگوں کو متنبہ کرنے کے لئے 6 نجی لیبز کے نام جاری کردیے ہیں۔
کچھ لیب کووڈ 19 نمونے کی جانچ تو کر رہے ہیں لیکن نہ تو وہ تسلیم شدہ لیب ہیں اور نہ ہی وہ لیب کووڈ 19 کے پروٹوکول پر عمل پیرا ہیں۔ ایسے میں لوگوں کو جان کا خطرہ ہے۔
گوتم بدھ نگر کے سی ایم او ڈاکٹر دیپک اوہری نے جانکاری دیتے ہوئے بتایا کہ گزشتہ کچھ دنوں میں کچھ نجی لیب ٹیسٹ کر رہی ہے جو آئی سی ایم آر سے سند یافتہ نہیں ہے۔ایسے معاملوں میں ایک لیب ٹیکنیشین کے خلاف ایف آئی آر درج کی گئی ہے۔
جو موٹر سائیکل پر آکر کووڈ 19 کی جانچ کیا کرتے تھے، ایسے میں ان لیب کی رپورٹ تو مثبت آر ہی تھی، لیکن جب انہیں این آئی بی سے دوبارہ جانچ کرایا گیا تب ان کی رپورٹ منفی آئی۔لہذا ایسے لوگوں کو دو دن کے بعد اسپتال سے فارغ کردیا گیا ،انہوں نے جانکاری دیتے ہوئے بتایا کہ 6 لیب ہے، جن کی نشاندہی کی گئی ہے۔لائف لائن، اسٹار امیجنگ، ماڈرن سمیت کئی لیب ہیں جو نقلی لیب چلا رہی ہیں۔
یہ نجی لیب چند روپے کے لالچ کی وجہ سے لوگوں کی زندگیوں کے ساتھ کھیل رہی ہے۔ ایسی صورتحال میں ضلعی انتظامیہ نے 6 نجی لیبوں کی نشاندہی کی ہے اور ان پر سخت کارروائی کرنے کی تیاری کر رہی ہے۔ ان میں سے ایک لیب کے خلاف بھی مقدمہ درج کیا گیا ہے۔
واضح رہے کہ سبھی ریاستوں میں کووڈ 19 کرنے والی لیب کے ناموں کی جانکاری آئی ایم سی آر کی ویب سائٹ پر دستیاب کی گئی ہے۔گوتم بدھ نگر میں این آئی بی کے علاوہ نوئیڈا انسٹی ٹیوٹ آف میڈیکل سائنس ، سپر اسپیشلیٹی پیڈیاٹرکس اینڈ پوسٹ گریجویٹ ٹیچنگ انسٹیٹیوٹ میں کورونا ٹیست کی سہولت موجود ہے۔
