ڈسٹرکٹ مجسٹریٹ ڈاکٹر سنگھ نے جمعرات کو یہاں بتایا کہ بدھ کی رات آئی ایل ون اسپتال میں زیر علاج 54 مریضوں کی کورونا جانچ رپورٹ منفی آئی ہے۔ اب ضلع میں کورونا متاثرین کی تعداد 67 رہ گئی ہے۔ دیگر اضلاع کے 17 افراد بھی کورونا کی جنگ جیت کر اپنے اپنے گھروں کو لوٹ گئے ہیں۔
انہوں نے بتایا کہ آج جن 54 افراد کی رپورٹ منفی آئی ہے انہیں اسپتال سے چھٹی دے دی گئی ہے۔ دیگر اضلاع کے صحت یاب مریضوں میں امیٹھی کے 6، سلطان پور کے 6 اور امبیڈکر نگر کے پانچ کورونا متاثرین مکمل طور سے شفایاب ہوکر اپنے گھروں کو لوٹ چکے ہیں۔ اس سے قبل بھی ضلع میں 22 کورونا متاثرین شفایاب ہوئے تھے۔
بھارت میں کورونا وائرس سے ایک لاکھ اٹھاون ہزار سے زائد افراد متاثر ہیں، جبکہ بھارت میں کورونا وائرس سے ہلاک ہونے والوں کی تعداد 4531 ہو چکی ہے۔ کورونا وائرس سے متاثر افراد میں سے تقریبا 67692 افراد ٹھیک ہو چکے ہیں۔
دنیا بھر میں کورونا وائرس سے اب تک 57 لاکھ سے زائد افراد متاثر ہیں۔ کورونا وائرس سے دنیا بھر میں تین لاکھ سے زائد افراد ہلاک ہو چکے ہیں۔ دنیا بھر میں کورونا وائرس سے متاثر افراد میں سے 23 لاکھ سے زائد افراد ٹھیک ہو چکے ہیں۔
