اطلاع کے مطابق ٹریکٹر ٹرالی کی بے قابو ہونے کی وجہ سے وہ ایک پیڑ سے ٹکرا جانے سے پلٹ گئ۔
ٹریکٹر میں سوار تمام مسافر اترپردیش کے ضلع جھانسی کے لدھورا گاؤں کے رہائشی تھے۔یہ سبھی رتن گڑھ ماتا مندر میں درشن کے لیے جارہے تھے۔
اطلاع کے مطابق رتن گڑھ گاؤں میں موجود ماتا کے مندر میں دیوالی کے خاص موقع پر ہر برس خصوصی مذہبی تقریبات کا انعقاد کیا جاتا ہے۔ اسی تقریب میں شامل ہونے کے لیے لدھورا گاؤں کے رہائشی منگل دیر رات کو ڈولی میں سوار ہوکر نکلے تھے۔
حادثے میں 56 برس کی سومن، 50 برس کی امرت بائی، 40 برس کی کرانتی اور 60 برس کی راجکماری کی موت واقع ہوگئی، جبکہ ٹریکٹر ٹرالی میں سوار 22 لوگ زخمی ہوگئے جس میں خاتون اور بچے بھی شامل ہیں۔
زخمیوں کو جھانسی کے میڈیکل اسپتال میں داخل کرایا گیا ہے۔
وہیں جھانسی کے گروٹھا حلقے کے سابق رکن اسمبلی دیپ نارائن سنگھ زخمیوں کو دیکھنے کے لیے میڈیکل کالج پہنچے اور اترپردیش کی حکومت سے معاوضہ دینے کا مطالبہ کیا۔
انہوں نے مزید کہا مندر میں ہر برس ایسے ہی حادثے واقع ہوتے رہتے ہیں، لیکن حکومت اس سے متعلق سہولیات فراہم کرانے میں ناکام رہی ہے۔
