پولیس کے مطابق انہیں اس وقت گرفتار کیا گیا جب وہ فرخ آباد شہر میں مشکوک طور پر گھوم رہے تھے۔ لیکن گرفتار شدہ افراد کا کہنا ہے وہ جموں و کشمیر میں مسجد بنانے کے لیے چندہ جمع کرنے کے غرض سے شہر میں گھوم رہے تھے۔
مسجد کی تعمیر کے لیے چندہ جمع کرنے والے چار کشمیری گرفتار
پولیس کے ایک عہدیدار نے میڈیا کو بتایا کہ' ابتدائی تحقیقات میں اس بات کا انکشاف ہوا ہے کہ انہوں نے اس سے قبل بھی پے ٹی ایم کے ذریعے 41 ہزار روپے ٹرانسفر کیے تھے۔'
انہوں نے کہا کہ گرفتار شدہ افراد فروخ آباد شہر میں دکانداروں اور تاجروں سے رقم جمع کر رہے تھے۔
پولیس نے کہا کہ مختلف سرکاری ایجنسیز گرفتار شدہ افراد سے پوچھ گچھ کر رہی ہے۔
