اترپردیش کے ضلع مرزاپور کے لہیا علاقے کے بھٹواری گاؤں کے نزدیک آج روڈویز کی بس اور ٹرک کے درمیان آمنے سامنے سے ہوئی ٹکر میں چار خواتین سمیت 20 افراد زخمی ہوگئے۔
زخمیوں میں چار کی حالت نازک ہے۔ انہیں علاج کے لئے ضلع اسپتال میں داخل کرایا گیا۔ پولیس کے مطابق دیوری گاؤں سے مرزاپور شہر کے لئے روڈویز کی بس جا رہی تھی۔ بس میں کل 40 افراد سوار تھے۔ صبح بس بھٹواری گاؤں کے نزدیک بلاک تک پہنچی تھی کہ سامنے سے آرہے ٹرک سے بس ٹکرا گئی۔
پولیس نے مقامی لوگوں کی مدد سے سبھی سواریوں کو باہر نکال کر سی ایچ سی ہلیا اسپتال پہنچایا گیا۔ جہاں ڈاکٹروں نے روڈویز بس ڈرائیور سریش سنگھ اور ٹرک ڈرائیور رمیش سمیت سنیتا و گرو کی حالت نازک دیکھتے ہوئے چاروں کو بہتر علاج کے لئے مرزاپور اسپتال کے لئے روانہ کیا۔ جبکہ دیگر زخمیوں کا علاج ہلیا اسپتال میں چل رہا ہے۔
یہ بھی پڑھیں: اوریا: سڑک حادثے میں ایک ہی کنبے کے تین افراد کی موت
