حادثے کا شکار بس کانپور سے جھانسی جارہی تھی کہ خوفناک حادثہ پیش آیا۔ پولیس اور میڈیکل کالج کے سی ایم او آر بی کمل موقع پر پہنچ گئے ہیں۔
زخمیوں کو ہیلٹ ہسپتال بھیج دیا گیا ہے۔ اسی دوران ، سڑک حادثے کے بعد نیشنل ہائے وے پر کئی کلومیٹر تک ٹریفک جام لگ گیا۔ بچاؤ اور راحت رسانی کا کام جاری ہے۔
اس دوران وزیراعلیٰ یوگی آدتیہ ناتھ نے سڑک حادثے پر گہرے دکھ کا اظہار کیا۔ انہوں نے سینیئر افسران کو ہدایت کی ہے کہ فوری طور پر موقع پر پہنچیں اور زخمیوں کو بہتر علاج معالجہ فراہم کریں۔
وزیراعلیٰ نے حادثے میں ہلاک ہونے والوں کے لواحقین کو فی کس دو لاکھ روپے کی مالی امداد کا اعلان کیا ہے۔ اس کے علاوہ انہوں نے ضلعی مجسٹریٹ کو ہدایت کی ہے کہ حادثے کی وجوہات کی تحقیقات کریں اور رپورٹ پیش کریں۔
وزیر داخلہ امت شاہ نے اس حادثے پر غم کا اظہار کرتے ہوئے ٹویٹ کیا۔
امت شاہ نے ٹویٹ کیا کہ 'اترپردیش کے کانپور میں سڑک حادثہ انتہائی افسوسناک ہے۔ میں ان لوگوں کے لواحقین سے اظہار تعزیت کرتا ہوں جنہوں نے اس میں اپنی جان گنوائی ہے۔ بھگوان انہیں غم برداشت کرنے کی شکتی دے۔ میں زخمیوں کی جلد صحت یابی کی دعا کرتا ہوں۔
