زرعی قوانین کے خلاف نوئیڈا چلہ سرحد پر گزشتہ 21 دنوں سے احتجاج اور مظاہرے جاری ہیں۔
حکومت کو خواب غفلت سے جگانے اور حکومت تک اپنی آواز کو پہچانے کے لیے گیارہ کسانوں نے آج بھوک ہڑتال پر بیٹھنے کا فیصلہ کیا۔یہ بھوک ہڑتال شام تک رہے گی۔اس بھوک ہڑتال میں بھارتی کسان یونین بھانو کے متھرا ضلع صدر ،ریاستی قومی سیکرٹری اور نائب صدر سمیت 11 کسان شامل ہیں۔
چلہ سرحد پر مظاہرہ کررہے کسانوں کو سرکار کی جانب سے مزید تجاویز بھیجی گئی ہیں ۔جس پر کسانوں کا کہنا ہے ہے کہ وہ مشترکہ کسان محاذ کے موقف اور پالیسی پر عمل کریں گے۔
سرکار کی جانب سے یہ ساتویں مرتبہ مزاکرات کی دعوت دی گئی ہے۔ اس سے قبل 6 مذاکرات ناکام ہو چکے ہیں۔تاہم کسانوں کا موقف ہے کہ جب تک ہماری باتیں تسلیم نہیں کی جاتی۔ تب تک ہم تحریک واپس نہیں لیں گے اور نہ ہی کسی مذاکرات کے کامیاب ہونے کی ضمانت دیں گے۔
