جموں کشمیر کے ضلع اودھمپور کے سوبھاش نگر اور قریب کے علاقوں میں خواتین نے لاک ڈاؤن کو سختی سے نافذ کرانے کے لئے خود ہی علاقے کے مختلف مقامات پر تعینات ہو گئی ہیں۔
سوبھاش نگر اور اس کے قریب کے علاقوں میں کسی باہری شخص کا داخلہ نہ ہو اس کے لئے علاقے کی خواتین نے کٹیلے تار سے علاقے کو سیل کر دیا ہے مقامی پولیس کے ساتھ خود بھی تعینات ہیں، تاکہ کوئی بھی باہری شخص کا داخلہ نہ ہو سکے اور نہ ہی کوئی علاقے کے باہر جا سکے۔
ان خواتین کا کہنا ہے کہ وزیر اعظم نریندر مودی نے کورونا وائرس سے تحفظ کے لئے لاک ڈاؤن کا اعلان کیا ہے، لیکن اس پر سختی سے عمل ہو اس کی ذمہ داری ہم لوگوں پر بھی عائد ہوتی ہے۔ پولیس انتظامیہ بہت محنت کر رہا ہے۔ ہم انتظامیہ کی حمایت اور مدد کرنے کے لئے سڑکوں پر تعینات ہیں، تاکہ کوئی بھی شخص بلا وجہ نہ نکلے۔
پولیس کے ساتھ یہ خواتین بھی باہر گھومنے والوں کو سزا دے رہی ہیں اور ایسے لوگوں سے اٹھک بیٹھک کرا رہی ہیں، جو علاقے سے باہر جانے یا علاقے میں داخل ہونے کی کوشش کرتے ہیں۔
علاقے کی کونسلر پریتی کھجوریا نے کہا کہ تمام عوامی نمائندے کو اپنی ذمہ داری نبھاتے ہوئے لوگوں کو بیدار کرنے کی ضرورت ہے۔ سماجی فاصلہ بے حد لازمی ہے۔ اس کا خیال کرنا چاہئے۔
اس دورران خواتین کے پاس مختلف تختیاں بھی تھیں جس میں سماجی فاصلے کا خیال رکھنے اور گھروں میں رہنے کی اپیل درج تھی۔
