گذشتہ رات قومی شاہراہ پر واقع ادھم پور میں جموں و کشمیر کے ایک پولیس اسٹیشن میں دو پولیس اہلکاروں کے مابین لڑائی ہوگئی جس دوران فائرنگ میں ایک اہلکار ہلاک ہو گیا۔
کہا سنی کے دوران ایک پولیس اہلکار نے دوسرے پر گولی چلائی جس کے ساتھ ہی دوسرا اہلکار زمین پر گر پڑا۔ ساتھیوں نے اسے ضلع اسپتال پہنچایا۔ تاہم اس کی حالت سنگین ہونے کی وجہ سے اسے ملٹری اسپتال ادھم پور میں علاج کے لیے داخل کرایا گیا جہاں اس کی موت ہو گئی۔
ذرائع کے مطابق آپسی تنازع کے دوران ایک پولیس اہلکار نے دوسرے پولیس اہلکار پر سروس رائفل سے فائرنگ کر دی۔ فائرنگ میں زخمی ہونے والے پولیس اہلکار کا نام کاکا رام ہے۔
اس سلسلہ میں جب پولیس افسران سے بات کرنے کی کوشش کی گئی تو پولیس افسران نے فون نہیں اُٹھایا۔ ابھی تک پولیس اہلکاروں کے مابین لڑائی کی وجہ معلوم نہیں ہوسکی ہے۔
