ریلی میں بڑی تعداد میں اسکولی بچے شامل ہوئے۔ طلبا و طالبات نے اپنے اپنے کالج سے ریلی نکالی جو گول مارکیٹ میں واقع شہید بھگت سنگھ پارک میں اختتام پذیر ہوئی۔ یہ ریلی ضلعی انتظامیہ ادھمپور کے تعاون سے نکالی گئی۔
بچے ریلی کے دوران اپنے ہاتھ میں بینر اور پلے کارڈ لیے ہوئے تھے۔ وہ نعرے بھے لگا رہے تھے۔ وہ کہہ رہے تھے کہ 'بھارت کو بچانا ہوگا، پلاسٹک مکت بھارت بنانا ہوگا'۔
کچھ کالج کے بچوں نے ای ٹی وی بھارت کو بتایا کہ 'پلاسٹک کے استعمال سے ان کے گھر کے آس پاس گندگی ہو رہی ہے۔ پلاسٹک کی وجہ سے ندیوں کا پانی گندہ ہو رہا ہے۔'
ایک بچے نے بتایا کہ 'ہم دوسروں کو کہتے ہیں کہ وہ پلاسٹک استعمال کر رہے ہیں لیکن ہم خود ہی پلاسٹک استعمال کرتے ہیں۔'
ایک بچے نے کہا کہ 'جب گھر سے بازار کچھ سامان لینے جائیں تو کپڑے کا تھیلا لے کر جائیں تاکہ پلاسٹک کے استعمال سے بچا جا سکے۔'
اس ریلی میں ضلع کے جج ایم ایل منہاس کے علاوہ وکلا اور علاقے کے دیگر لوگوں نے حصہ لیا۔
