حادثے کے فورا بعد پولیس ٹیم کے ساتھ ہی ٹکری چوکی کے انچارج موقع پر پہنچے، اور زخمیوں کو ٹکری ہسپتال میں داخل کرایا۔
اطلاعات کے مطابق ڈوڈہ سے جموں جارہی منی بس 06-اے 2692 اتوار کی رات 8 بجے ٹکری چوکی کے سلورا علاقے میں بے قابو ہوکر پلٹ گئی۔
عینی شاہدین کے مطابق تیز رفتار منی بس بے قابو ہوکر ڈیوائیڈر سے ٹکرا کر سڑک پر پلٹ گئی۔شور سن کر پاس کے لوگ جمع ہوگئے، اور وہاں سے گزرنے والی گاڑیوں کے ڈرائیورز بھی مدد کے لیے رکے۔اسی دوران اطلاع موصل ہونے پر ٹکری پولیس موقع پر پہنچی، اور زخمیوں کو ٹکری پرائمری ہیلتھ سینٹر پہنچایا، جہاں زخمیوں کا علاج کیا جارہا ہے۔
پولیس نے معاملہ درج کرکے منی بس کو اپنے قبضے میں لے لیا ہے، منی بس میں تقریبا 25 افراد سوار تھے۔
وہیں مسافروں کا کہنا ہے کہ ڈرائیور نے شراب پی رکھی تھی، مسافروں نے اسے گاڑی چلانے سے منع بھی کیا، لیکن ڈرائیور نے ان کی بات نہیں سنی، اور یہ حادثہ ہوگیا، وہیں پولیس نے اس معاملے میں مقدمہ درج کرکے ڈرائیور کو گرفتار کرلیا ہے۔
