ورکرس سے خطاب سے خطاب کرتے ہوئے عاشق حسین نے کہا کہ اسسٹنٹ لیبر کمشنر اننت ناگ کو دیگر محکموں کا کام کاج بھی سونپا گیا ہے جس کی وجہ سے مزدوروں کے ساتھ نا انصافی ہو رہی ہے۔
اننت ناگ کے مزدوروں کے ساتھ نا انصافی کی شکایت
انہوں نے کہا کہ ماہانہ اجرت پانے کے لئے مزدوروں کو متعلقہ محکمہ کے دفتر کے چکر کاٹ کر واپس لوٹنا پڑتا ہے جس کے سبب یہ غریب طبقہ مالی مشکلات کا شکار ہورہا ہے۔
عاشق حسین نے حکومت کا شکریہ ادا کرتے ہوئے کہا کہ اگرچہ حکومت کی جانب سے مزدوروں کو لیبر کارڈ اجراء کرنے کے لئے آن لائن نظام قائم کیا ہے لیکن اس کے باوجود اننت ناگ میں غریب مزدوروں کو کافی مشکلات کا سامنا کرنا پڑتا ہے۔
انہوں نے اعلی حکام سے گزارش کی کہ اننت ناگ میں مستقل طور پر اسسٹنٹ لیبر کمشنر کو تعینات کیا جائے تاکہ مزدور وقت پر سرکاری اسکیموں کا استفادہ حاصل کر سکیں۔
