دنیش شرما نے واضح لفظوں میں کہا کہ بی جے پی کے انتخابی منشور میں رام مندر کی تعمیر کا ذکر کیا گیا ہے اور یہ ہمارے ایجنڈے میں سب سے اوپر ہے لیکن اس کیس سے پارٹی کا کوئی تعلق نہیں ہے۔
اس کے علاوہ انہوں نے لکھنؤ میں بدھ کے روز کشمیری نوجوان کی پٹائی کے سلسلے میں کہا کہ قانون ہاتھ میں لینے والوں کے خلاف سخت کارروائی کی جائے گی۔
واضح رہے کہ دنیش شرما بارہ بنکی میں ایک شادی کی تقریب میں شرکت کرنے آئے تھے۔ اسی دوران ای ٹی وی بھارت کے سوال پراترپریش کے نائب وزیراعلی نے کہا کہ بی جے پی بابری مسجد کیس میں فریق نہیں ہے۔
انہوں نے مزید کہا کہ بھارتیہ جنتا پارٹی رام مندر پر سنکلپ پتر میں اپنا رخ واضح کر چکی ہے۔ وہ چاہتی ہے کہ اس معاملے کا جلد از جلد حل ہو۔
لکھنؤ کے پکے پل پر ایک کشمیری نوجوان کی پٹائی کے سوال پر دنیش شرما نے کہا کہ ملک کے کسی شہری کے ساتھ اگر اس طرح کی بربریت ہوگی تو قانون کے تحت سخت کاروائی کی جائے گی۔
