حیدرآباد: تلنگانہ حکومت ٹیچرس کے تقررات میں بھی اُردو میڈیم اسکولس کے ساتھ سراسر نا انصافی کر رہی ہے۔ اُردو میڈیم کے 671 ٹیچرس کی تقرر کرنے کا اعلان کیا تھا لیکن اب تک اس پر عمل درآمد شروع نہیں ہو سکا ہے۔ 500 اسکولوں کو بیاک لاگ جائیدادوں کی فہرست میں شامل کیا گیا جن پر تقررات کیلئے امیدواروں کا دستیاب ہو ناممکن نہیں ہے۔
اس طرح اُردو میڈیم کی صرف 171 جائیدادوں پر تقرری ہونے کے امکانات ہیں۔ واضح رہے کہ حکومت نے 5089 ٹیچرس جائیدادوں پر تقرری کا اعلان کر کے نوٹیفکیشن جاری کیا جس میں اُردو میڈیم کے 138 اسکول اسٹنٹس 488، ایس جی ٹی 32 ، پی ای ٹی اور 53،671 ٹیچرس کے تقررات کا اعلان۔ 500 جائیدادیں بیاک لاگ فہرست میں شامل ۔ امید وار دستیاب ہو ناممکن نہیں ہے۔
ایسا لگتا ہے کہ مسلمانوں کو ہتھیلی میں جنت دکھانے کیلئے یہ اعلان کیا گیا ہے۔ متحدہ آندھرا پردیش کی حکومتوں نے اُردو میڈیم کیلئے مختص پسماندہ طبقات کے امیدواروں کی عدم دستیابی پر انہیں جنرل جائیدادوں میں تبدیل کرنے کے بعد تقررات کے عمل کو مکمل کیا ہے۔ جب یہ گنجائش موجود ہے تو تلنگانہ حکومت اس سے استفادہ کرنے کے لئے تیار نہیں ہے۔
