حیدرآباد: مرکزی وزیر کشن ریڈی نے تلنگانہ کے وزیر اعلی کے سی آر کو ہدف تنقید بنایا۔ انھوں نے کہا کے سی آر کی آمرانہ حکومت سے ریاست دیوالیہ پن کی طرف بڑھ رہی ہے۔ انہوں نے کہا کہ عوام آنے والے انتخابات میں یقیناً ٹی آر ایس پارٹی کو سبق سکھائیں گے۔مرکزی وزیر حیدرآباد کے مشیر آباد میں آریہ ویشیہ بھون میں بی جے پی عہدیداروں کے اجلاس سے خطاب کررہے تھے۔
انہوں نے کہا کہ بی جے پی دنیا کی سب سے بڑی پارٹی بن کر ابھری ہے، مودی کے 8 سالہ دور حکومت سے لوگ مطمئن ہیں۔ کشن ریڈی نے کہا کہ مرکزی حکومت کی فلاحی اسکیموں کے ساتھ ساتھ ملازمین کی تنخواہوں میں کوئی رکاوٹ نہیں ہے۔ اس موقع انھوں نے کہا کہ تلنگانہ میں تبدیلی لازمی ہے اور یہ تبدیلی عوام لانے والی۔ انھوں نے دعوی کیا کہ اگلے الیکشن میں ٹی آر ایس کو شکست ہوگی اور بی جے پی حکومت بنائے گی۔Union Minister Kishan Reddy Addressed BJP Officials
