معروف شیعہ اسکالر نثار حسین حیدر آغا نے اس بات پر افسوس کا اظہار کیا کہ اس سال مسلمان کورونا کی وباء کے باعث مساجد میں تراویح و دیگر نمازوں کا اہتمام نہیں کرپارہے ہیں۔
لیکن یہ وقت مایوس ہونے کا نہیں بلکہ اپنے رب کو منانے کا ہے۔ہمیں اللہ تعالیٰ سے معافی مانگنے کا اس سے بہترین موقع نہیں مل سکتا اس کا ہمیں بگڑ پور فائدہ اٹھانا چاہیئے۔
کورونا پر قابو پانے کے لئے سماجی فیصلے کو برقرار رکھیں'
نوجوانوں کو وقت کا مناسب استعمال کرتے ہوئے قرآن مجید با معنی پڑھنے کی شیعہ عالم نے تاکید کی اور کہا کہ اللہ نے لاک ڈاؤن کے ذریعے ہمیں وقت دیا ہے۔
ہمیں اس کو تلاوت و ذکر و اذکار میں گزارنا چاہیئے۔ نثار حسین آغا نے تمام مسلمانوں سے روزوں کا اہتمام کرنے اور بلا شرعی عذر قضاء نہ کرنے کی تلقین کی۔
اس کے علاوہ گھروں میں فرائض و تراویح کی ادائیگی کی تاکید کرتے ہوئے بتایا کہ کسی حال نماز تراویح کو ترک نہ کریں۔
