خبرمنظرعام پرآنے کے بعد تلنگانہ کے مختلف مقامات میں مقیم جھارکھنڈ کے باشندے لنگم پلی اسٹیشن پہنچنے لگے۔ ان کا خیال ہے کہ آج بھی کوئی ٹرین انہیں لینے آئے گی۔
وطن پہنچنے کی خواہش دل میں لئے گروپ کی شکل میں مجمع لنگم پلی کے آس پاس جمع ہونے لگا۔ گھر جانے کی تمنا میں یہ لوگ کئ کیلو میٹر پیدل چل کر یہاں پہنچے ۔
ای ٹی وی بھارت نے حکام سے رابطہ کیا توانہیں بتایا کہ حکومت نے تارکین کو وطن پہنچانے کا کوئی اعلان نہیں کیاگیا ہے تو لوگ مایوس ہوگئے ۔
مرکزی اور ریاستی حکومتوں سے ان کیلئے ٹرین کا انتظام کرنے کا مطالبہ کیا اور انتباہ دیا کہ اگر ان کی وطن واپسی کے انتظامات نہ کئے گئے تو وہ پیدل نکل پڑیں گے۔
لنگم پلی ڑیلوے اسٹیشن کے حکام کے مطابق بڑی تعداد میں بیرون ریاستوں کے باشندے اسٹیشن پہنچ رہے ہیں۔ وہ اس بات سے ناواقف ہیں کہ حکومت نے کسی ٹرین کا نہ اعلان کیا ہے ۔ یہاں آنے سے بھیڑ لگنے لگی ہے ۔ مقامی انتظامیہ اور سماجی کارکن کی مدد سے ان لوگوں کو اسٹیشن کے قریب ایک سرکاری عمارت منتقل کردیا گیا۔
